Монгол Улсын Засгийн газраас 2023 оныг авлигатай тэмцэх жил болгон зарласан. Энэ хүрээнд Авлигатай тэмцэх шувуу ажиллагаа буюу гэмт хэрэгт шалгагдаж байгаад оргон зайлсан, гадаад руу зугтаад ирэхгүй байгаа албан тушаалтнуудыг эх оронд нь авчрах ажиллагааг явуулж буй.
УИХ-ын чуулганы өнөөдрийн хуралдааны үеэр ХЗДХ-ийн сайд Б.Энхбаяр “Эрдэнэтийн 49 хувиас эхлээд ард түмний төлөөллийн дээд байгууллагаар оруулалгүйгээр хэдэн их наяд төгрөгийн ордыг үйлдвэртэй нь авч байсан. Дубайн гэрээнээс эхлээд ард түмэнд хүртээх үзэл санааг нэг Ерөнхий сайд нь Засгийн газрынхаа танхимд ч танилцуулалгүй гадаад улсын компанийн захирлын гал тогооны өрөөнд шийдвэрлэсэн. Одоо ард түмнийхээ нүүрийг харж чадахгүй, зутгаад явж байгаа. Тэр Ерөнхий сайдыг өнөөдөр ард түмэн нь, хууль хяналтын байгууллага нь авчрах гэж байна. Өчигдөрхөн ХЗДХЯ-ныхан АНУ-ын Авлигатай тэмцэх байгууллагын албаны хүмүүстэй уулзалт хийсэн” гэлээ.
Ташрамд дурдахад, Ч.Сайханбилэгийг Эрдэнэт үйлдвэрийн 49 хувийг худалдсан асуудал болон Оюу толгойн Дубайн гэрээ болон бусад хэрэгт яллагдагчаар татан шалгаж байсан юм.
Сэтгэгдэл бичих