Залуус “Ажлаа хий” жагсаал зохион байгуулж, Засгийн газарт шаардлага хүргүүлсэн. Энэ хүрээнд Засгийн газар ээлжит бусаар хуралдаж жагсагчдын тавьсан 15 зүйл бүхий шаардлагаас өөрийн эрх мэдлийн хүрээнд дангаар шийдвэрлэх боломжтой 11 зүйлийг хэлэлцэн шийдвэрлэснээ Ерөнхий сайд Л.Оюун-Эрдэнэ танилцуулсан.
Авлига хээл хахуулийг бууруулж, төр өөрөөс хэмнэлтийг бий болгох, бараа бүтээгдэхүүний үнэд зохицуулалт хийх зэрэг шаардлагыг хуулинд тусгах, яаралтай арга хэмжээ авах үүднээс Ажлын хэсэг байгуулахаар шийдвэрлэсэн бөгөөд жагсаал зохион байгуулсан залуусын төлөөлөл хамтарч ажиллахаар болжээ.
Тус Ажлын хэсэг өргөн хэрэглээний бараа бүтээгдэхүүний үнэ ханшийг тогтворжуулах, авлига, албан тушаалын хэрэгт яллагдагчаар татагдсан этгээдийн хэргийг хялбаршуулсан журмаар шийдэхгүй байх, авлигын хэргийн ялын бодлогыг чангатгах болон Хөгжлийн банкны зээлийн асуудлыг шударгаар шалгаж, буруутай этгээдүүдийг илрүүлэх, хэргийг эцэслэн шийдвэрлэх, хэмнэлтийн горимд шилжих зэрэг Засгийн газрын 2022 оны дөрөвдүгээр сарын 08-ны өдрийн ээлжит бус хуралдаанаас гарсан шийдвэрийг хэрэгжүүлэн ажиллах юм.
Comments 1