АНУ-ын Сан Францискогийн их сургуулийн Менежментийн сургуулийн захирлаар доктор Эрхэмжамцын Отгонцэцэг 2022 оны долдугаар сарын 1-нээс ажиллахаар болжээ. Тэрбээр Бэнтлигийн их сургуульд Бизнес хариуцсан дэд захирал, стратегийн санаачилга хариуцсан дэд ерөнхийлөгчөөр ажиллаж байв. Э.Отгонцэцэг нь АНУ-д магистрантурт суралцсан анхны 20 монгол оюутны нэг бөгөөд 2005 онд санхүүгийн чиглэлээр доктрын зэрэг хамгаалсан анхны монгол хүн гэдгийг томилгооны мэдээнд онцолжээ.
“Доктор Эрхэмжамц бол туршлагатай, үр бүтээлтэй эрдэмтэн бөгөөд шударга ёс, тэгш байдал, нийгэмд эерэг нөлөө үзүүлэхийг эрхэмлэгч, тууштай, хичээл зүтгэлтэй багш, зөвлөгч, шилдэг чадвартай удирдагч” гэж Сан Францискогийн их сургуулийн Эрдмийн асуудал эрхэлсэн дэд ерөнхийлөгч Опара хэлсэн байна.
