Индонезийн нийслэл Жакарта хотноо түлш хадгалах агуулахад гарснаас 18 хүний амь нас үрэгдэж, олон хүн сураггүй алга болжээ. Тус газарт 260 гал сөнөөгч, 52 гал унтраах машин хоёр цаг гаруй үргэлжилсэн галыг унтраасан байна. Гал гарсан шалтгаан нь хүчтэй борооны үеэр аянга бууснаас хоолой хагарснаас үүдсэн гэж албаны хүн дүгнэжээ. Харин түлш хадгалах агуулахын ойролцоо амьдардаг оршин суугчдын хэлж буйгаар бензиний хурц үнэр үнэртэж, зарим хүмүүс бөөлжиж, дараа нь хоёр удаа аянга дуугаран, орон нутгийн цагаар 20:00 цагийн орчимд хүчтэй дэлбэрэлт болсон. Үүнээс 20 минутын дараа түймэр тархаж, үймээн эхэлсэн гэжээ.
Аврагчид эмх замбараагүй байдлын дунд ор сураггүй алга болсон болон ар гэрийнхнээсээ салсан 16 хүнийг эрэн хайж байна. Таван эмнэлэгт 42 орчим хүн эмчилгээ хийлгэж байгаагийн заримынх нь биеийн байдал хүнд байгаа аж.
Тус улсын Төрийн өмчит газрын тос, байгалийн хийн “Пертамина” компанийн ажиллуулдаг “Plumpang” түлш хадгалах станц нь Хойд Жакарта дахь Тана Мера дүүргийн хүн ам шигүү суурьшсан газрын ойролцоо байрладаг. Энэ нь Индонезийн шатахууны хэрэгцээний 25 хувийг хангадаг байна.
Сэтгэгдэл бичих