Ерөнхийлөгчийн санаачилгаар хэрэгжиж буй ТЭРБУМ МОД хөтөлбөрийг Монгол Улсын Засгийн газрын хэрэгжүүлэгч агентлаг Ойн газар хариуцаж буй. Тус газраас энэ сарын 10-ны өдөр 900 сая төгрөгийн төсөвт өртөг бүхий нийт 11 газарт Ойн зурвас байгуулах тендэр зарлажээ. Тодруулбал, ” Баянхонгор аймгийн Богд сум, Говь-Алтай аймгийн Бигэр сум, Говь-Алтай аймгийн Шарга сум, Говьсүмбэр аймгийн Баянтал сум, Дорнод аймгийн Хэрлэн сум, Дундговь аймгийн Сайхан-Овоо сум, Өвөрхангай аймгийн Баян-Өндөр сум, Сүхбаатар аймгийн Баруун-Урт сум, Увс аймгийн Завхан сум, Ховд аймгийн Эрдэнэбүрэн сум, Ховд аймгийн Чандмань суманд 900 сая төгрөгөөр ойн зурвас байгуулах юм байна.
Баримт бичигт тусгагдсанаар 5 га газар ойн зурвас байгуулахад 56 сая, 10 га газарт 112 сая төгрөг шаардлагатай гэж үзсэн байна. Тус ойн зурвас газарт улиас, хайлаас, сухай, бургас тарихаар төлөвлөжээ.
Сэтгэгдэл бичих