Өнгөрсөн оны эхний зургаан сарын байдлаар гэхэд нохойд хүн болон мал хазуулсан 3169 тохиолдол гарчээ. Энэ нь гэр хорооллын айл өрхүүд нохойгоо сул тавьдаг, гөлөгнүүдийг төөрүүлдэг зэргээс үүдэн золбин нохой, муур олшрох, улмаар олноор үржиж буйтай холбоотой аж.
Хүний амь нас аюулгүй байдал, цаашлаад нийслэлийн өнгө үзэмж талаас нь бодсон ч, золбин нохдыг хязгаарлаж, устгах ажлыг зохион байгуулах учиртай. Гэтэл нийслэл хотынх нь төвд золбин ноход хуцалдаж хөөцөлдөн хүн рүү дайрах тохиолдол хэрээс хэтэрлээ. Хэдийгээр Хотын Ерөнхий менежер М.Баяраа “Нэгэнт эзэнгүй болсон, золбин нохдыг буудах, эсвэл унтуулах аргаар тоо толгойг нь хязгаарлахаас өөр аргагүй. Устгасан нохойн сэг зэмээр бордоо хийхээр хувийн хэвшилтэй хамтран хэд хэдэн төсөл хэрэгжүүлж байгаа” гэдгийг хэлсэн ч хугацаа алдан аажуурч, судалсаар байх хооронд хэдэн хүн бэртэж гэмтэхийг эрхэм хотын удирдлагууд анхааралдаа авч сэргийлэх биз ээ.
Сэтгэгдэл бичих