Америкийн нислэгийн компани Орост нууц технологио заржээ

АНУ-ын иргэд Орос руу улсынхаа нисэхийн технологийг илгээсэн хэргээр баривчлагджээ. Хяналттай барааг тусгай зөвшөөрөлгүйгээр экспортолсон, экспортын цахим мэдээллийг хуурамчаар бөглөсөн, АНУ-ын хууль тогтоомжийг зөрчиж хил нэвтрүүлсэн зэрэг хэд хэдэн хэрэгт Сирил Грегори Буяновский, Дуглас Робертсон нарыг буруутгасан байна. Тэдний “KanRus Trading” компани нь онгоцонд ашигладаг электрон тоног төхөөрөмжийг Оросын компаниудад зарж, суурилуулан, нисэх онгоцны засвар үйлчилгээ үзүүлсэн байна.