АНУ-ын Ерөнхийлөгч асан Дональд Трамп Нью-Йорк хотын Манхэттэний эрүүгийн шүүхэд дуудагджээ. Түүнийг порно жүжигчин Сторми Даниэлсийн “амыг барихын” тулд мөнгө төлсөн гэх хэрэг болон бусад санхүүгийн луйвар зэрэг нийт 34 зүйл ангиар буруутгаж, хэрэг үүсгээд буй аж. Харин Трамп өөрийгөө буруугүй гэдгээ мэдэгдсэн байна.
Шүүхийн зүгээс баривчилгаа явуулах үед ихэвчлэн гав зүүдэг ч, экс ерөнхийлөгч Трампад энэ журам үйлчлээгүй гэнэ. Мөн хурууны хээ, зургийг нь авдаг ч эдгээр шаардлагыг мөрдсөн эсэх асуултад түүний өмгөөлөгчид хариулахаас татгалзжээ.
Тэрээр Сторми Даниэлстэй бэлгийн харьцаанд орсон тухайгаа нууцлахын тулд өмгөөлөгчөөрөө дамжуулан 2016 оны сонгуулийн өмнө түүнд 130 мянган ам.доллар төлсөн гэх хэрэг шуугиан тариад байгаа юм.
Сэтгэгдэл бичих